កោះសន្តិភាព(2036)
ដើមអម្ពិល(1985)
សប្បាយ(899)
ភ្នំពេញប៉ុស្តិ៍(1285)
វិទ្យុអាស៊ីសេរី(227)
Marseille, Basel និង Man City សុទ្ធតែឈ្នះដូច Sabay ព្យាករណ៍ ១៦ នាទីមុន
ទោះបីបើគ្រាប់ស៊ុតបញ្ចូលទីគ្នា មិនចំជាក់លាក់ដូចគ្រាប់ដែល Sabay ព្យាករណ៍ មែនពិត ប៉ុន្តែក្រុមទាំងបី ពោល Marseille, Basel និង Manchester City សុទ្ធតែទទួលជ័យជម្នះរៀងៗខ្លួន។
សម្រាប់ Man City ដែលប្រកួតជើងទី២នៃក្របខ័ណ្ឌលំដាប់ទី២របស់អឺរ៉ុប UEFA Europa League នោះយកឈ្នះយ៉ាងលើសលប់លើក្រុមភ្ញៀវ FC Porto នៅ Etihad Stadiumដោយគ្រាប់បាល់ ៤-០ (Sabay ព្យាករណ៍ ៣-១) ខណៈជើងទី១នៅទឹកដី Porto ក្រុមមេឃខៀវរបស់លោក Roberto Mancini ឈ្នះ ២-១។ គ្រាប់បាល់ទាំង៤របស់ក្រុម Man City យប់មិញ រកបានដោយខ្សែប្រយុទ្ធកំពូលល្បឿន Sergio Aguero បន្ទាប់ពីកែបាល់បានត្រឹម២០វិនាទីប៉ុណ្ណោះ ខណៈ៣គ្រាប់ផ្សេងទៀតសុទ្ធតែរកបានក្នុងតង់ទី២ ពោល Edin Dzeko នៅនាទី៧៦ David Silva សម្រេចបាននៅនាទី៨៤តាមរយៈការបញ្ជូនបាល់ពី David Pizarro មុនពេលខ្សែបម្រើសញ្ជាតិឈីលីដែលលោក Mancini ខ្ចីជើងពី Roma រូបនេះសម្រេចគ្រាប់បាល់ដោយខ្លួនឯងនៅនាទី៨៦ ដើម្បីបញ្ចប់ការប្រកួតក្នុងលទ្ធផល ៤-០។
ចំណែកឯគូប្រកួតក្របខ័ណ្ឌលំដាប់ទី១ UEFA Champions League វិញ ក្រុមជើងឯករបស់ស្វីស Basel ដែលផ្ដួលក្រុម Manchester United នៅពូល C មុននឹងឈានមកដល់វគ្គនេះនោះ បានបង្ហាញភាពខ្លាំងនៅក្នុងទឹកដី St. Jakob-Park របស់ខ្លួនជាថ្មី តាមរយៈការផ្ដួលក្លិបយក្សមកពីអាល្លឺម៉ង់ Bayern Munich ១-០ (Sabay ព្យាករណ៍២-១) ដែលរកបានដោយខ្សែបម្រើសញ្ជាតិស្វីស Valentin Stocker នៅនាទី៨៦។
រីឯជើងខ្លាំងរបស់បារាំង Marseille ត្រូវរង់ចាំដល់នាទីទី ៩០+៣ ទើបអាចបំបែកពងមាន់ក្រុម Inter បានដោយការស៊ុតរបស់ខ្សែប្រយុទ្ធជម្រើសជាតិហ្គាណា Andre Ayew ដើម្បីបញ្ចប់ការប្រកួតក្នុងលទ្ធផល ១-០ (Sabay ព្យាករណ៍២-០) នេះតែម្ដង។
ដោយ៖យ៉ុង ម៉ុងហាក់
រូបថត៖getty images, reuters,ap,pa,epa,ian hodgson
លេខពិសេស ពិតជាពិសេសមែនឬ? ២៤ នាទីមុន
មានការលើកឡើងដែលថា ការប្រើប្រាស់លេខទូរស័ព្ទពិសេសៗក្រៅពីអាច បង្ហាញភាពឡូយឆាយ និងកម្រិតជីវភាពរបស់អ្នកប្រើប្រាស់ ប៉ុន្តែអ្វីដែលគេកត់សម្គាល់នោះគឺការតេទាក់ទងគ្នាថាមានភាពងាយស្រួល លឿនរហ័សមិនដែលរអាក់រអួលខុសពីលេខធម្មតាៗ។ តើការលើកឡើងបែបនេះត្រឹមត្រូវដែរឬយ៉ាងណា?
ផេង ហ៊ត និស្សិតសិក្សាឯកទេសគណិតវិទ្យានៅសាកលវិទ្យាល័យភូមិន្ទភ្នំពេញប្រាប់ថា លេខពិសេសងាយឬពិបាកទំនាក់ទំនងគ្នានោះ រឿងនេះគេមិនដឹងច្បាស់នោះទេ។ ប៉ុន្តែផេង ហ៊ត បញ្ជាក់ថា បើសិនលេខធម្មតាកំពុងខលទាក់ទងគ្នា ហើយលេខពិសេសតេមកហើយអាចផ្ដាច់លេខធម្មតានោះបាន លេខពិសេសពិតជាអស្ចារ្យដូចអ្វីដែលគេលើកឡើងមែន។
នៅក្បែរគ្នានោះ ធាវៀង មិត្តរួមថ្នាក់ដែលសិក្សាជំនាញគណិតវិទ្យាជាមួយផេង ហ៊ត ប្រាប់ថា រូបគេក៏មានការចាប់អារម្មណ៍សម្រាប់អ្នកដែលកាន់លេខពិសេសៗប្រើប្រាស់នោះដែរ។ តាមការយល់ឃើញផ្ទាល់របស់ ធាវៀង គិតថា លេខពិសេសងាយតេទាក់ទងគ្នានិងមិនសូវជួបបញ្ហារអាក់រអួលនោះទេ ជាពិសេសអាចទទួលបានសេវាកម្មល្អៗជាច្រើនពីក្រុមហ៊ុនទូរស័ព្ទដែលពួកគេប្រើប្រាស់ទៀតផង។
យ៉ាងណាមិញ ធាវៀង អះអាងថា លេខពិសេសៗច្រើនប្រើចំពោះអ្នកដែលមានមុខមាត់ឬមានវណ្ណៈនិងទ្រព្យធនច្រើនហូរហៀរតែប៉ុណ្ណោះ។
ផ្ទុយពីការលើកឡើងពីខាងលើ ពេជ្រ និស្សិតឆ្នាំទីមួយផ្នែកភាសាអង់គ្លេសនៅវិទ្យាស្ថានភាសាបរទេស IFL ប្រាប់ថា លេខពិសេសឬមិនពិសេសវាមិនខុសគ្នាអីនោះទេ។ លេខពិសេសអាចឲ្យគេងាយចាប់អារម្មណ៍ពិតមែន ប៉ុន្តែការប្រើប្រាស់ដទៃទៀតក៏មិនខុសប្លែកពីលេខធម្មតាដែលអ្នកប្រើប្រាស់ប្រើនោះដែរ។
អ្នកគ្រប់គ្រងផ្នែកលក់នៅក្រុមហ៊ុនលក់រថយន្ត ស្តារ ម៉ូទ័រ លោក វណ្ណា បានឲ្យដឹងថា អ្នកដែលប្រើប្រាស់លេខពិសេសៗភាគច្រើន ជាអ្នកដែលមានការហៅចេញចូលច្រើនសម្រាប់ដំណើរការណ៍ក្នុងអាជីវកម្មឬការរស់នៅប្រចាំថ្ងៃ។ ដោយមើលឃើញបែបនេះនិងក៏ដើម្បីលើកទឹកចិត្តបន្ថែមក្រុមហ៊ុនទូរស័ព្ទគេនឹងអាចជួយសម្រួលសម្រាប់អ្នកដែលប្រើលេខទាំងអស់នោះ ឲ្យតេទាក់ទងគ្នាបានស្រួល និងរហ័សខុសពីលេខធម្មតារបស់អ្នកប្រើប្រាស់ទូទៅ។
យ៉ាងណាមិញ ទីប្រឹក្សាផ្នែកអភិវឌ្ឍសេវាកម្មនៅក្រុមហ៊ុនទូរស័ព្ទ qb កញ្ញា ពិសី បានឲ្យដឹងថា ក្រុមហ៊ុនរបស់កញ្ញា មិនមានការបែងចែករវាងការប្រើប្រាស់លេខពិសេសឬលេខធម្មតាសម្រាប់អតិថិជនរបស់ខ្លួននោះទេ។
“លេខធម្មតា ឬពិសេសការប្រើប្រាស់ទទួលបានការផ្ដល់ជូនសេវាដូចៗគ្នាមិនថាការហៅចេញឬហៅចូលនោះទេគឺស្មើភាពគ្នាទាំងអស់”។ បុគ្គលិករូបនេះបញ្ជាក់បែបនេះ។
ចុះមិត្តយុវវ័យមានអ្វីចង់បន្ថែមដែរឬទេ?
អត្ថបទ៖ ប៊ុណ្ណារ៉ា
ម៉ានីល៖ លោក Edwin Lacierda អ្នកនាំពាក្យរបស់ ប្រធានាធិបតីប្រទេស ហ្វីលីពីន បានលើកឡើងកាល ពីថ្ងៃពុធ ទី២២ ខែកុម្ភៈ ឆ្នាំ២០១២ ថា រដ្ឋាភិបាល នឹងផ្តល់ការធានា និងការពារដល់សមាជិកអ្នក សារព័ត៌មាន ក្នុងប្រទេសហ្វីលីពីន មិនថាជាអ្នកសារព័ត៌មានក្នុងស្រុក ឬបរទេសនោះទេ។
យោងតាមទីភ្នាក់ងារសារព័ត៌មាន ចិនស៊ិនហួ ចុះថ្ងៃទី២៣ ខែកុម្ភៈ ឆ្នាំ២០១២នេះបានឲ្យដឹងថា ការផ្តល់ការធានានេះ ត្រូវបានធ្វើឡើង បន្ទាប់ពីមានសេចក្តីរាយការណ៍ដែលចេញផ្សាយ ដោយគណៈកម្ម ការការពារអ្នកសារព័ត៌មាន ហៅកាត់ថា CPJ ដែលមានទីស្នាក់ការកណ្តាលនៅទីក្រុងញ៉ូវយក ដែល បានបញ្ជាក់ថា ប្រទេសហ្វីលីពីន ជាប្រទេសមួយដែលមានអ្នកសារព័ត៌មាន ស្លាប់ច្រើនជាងគេលើ ពិភពលោក បន្ទាប់ពីប្រទេសអ៊ីរ៉ាក់។
លោក Lacierda បានបន្ថែមថា រដ្ឋាភិបាលហ្វីលីពីន នឹងមិនអនុញ្ញាតឲ្យមានការសម្លាប់ក្រៅផ្លូវច្បាប់ ណាមួយកើតមានក្នុងប្រទេសហ្វីលីពីនតទៅទៀតឡើយ។ រដ្ឋាភិបាលយើងនឹងមិនបិទភ្នែក ដោយមិន យកចិត្តទុកដាក់ ផ្តល់កិច្ចការពារដល់អ្នកសារព័ត៌មាននានា ជាពិសេសអ្នកសារព័ត៌មានបរទេសឡើយ។ លោកបានបន្តថាវាជា បញ្ហាដែលគួរផ្តោតការយកចិត្តទុកដាក់កាន់តែខ្លាំង បន្ទាប់ពីការសម្លាប់រង្គាលអ្នកសារព័ត៌មាន នៅក្នុងខេត្ត Maguindanao។
លោកបានសង្កត់ធ្ងន់ថា រដ្ឋាភិបាលកំពុងផ្តោតការយកចិត្តទុកដាក់យ៉ាងខ្លាំង ទាក់ទងទៅនឹងការសម្លាប់រង្គាល ក្នុងខេត្ត Maguindanao ដែលស្ថិតនៅក្នុងភាគខាងត្បូងប្រទេស ហ្វីលីពីន កាលពីខែវិច្ឆិកា ឆ្នាំ ២០០៩ ដែលកាលនោះមានអ្នកសា្លប់ ៥៧នាក់ ដោយក្នុងនោះភាគច្រើនជាអ្នកសារព័ត៌មាន។
លោកបានបន្តថា បន្ទាប់ពីមានសេចក្តីរាយការណ៍ទាក់ទងទៅនឹងការសម្លាប់អ្នកសារព័ត៌មាន អាជ្ញាធរ តែងតែចាត់ការស៊ើបអង្កេតជាបន្ទាន់ និងព្យាយាមស្វែងរកមូលហេតុនៃការសម្លាប់នេះ។ គួរបញ្ជាក់ថា យោងតាមរបាយការណ៍របស់ CPJ បានបង្ហាញថា រហូតមកទល់ពេលនេះ មានអ្នកសារព័ត៌មានយ៉ាង ហោចណាស់ ៧២នាក់ ដែលត្រូវបានសម្លាប់ក្នុងប្រទេសហ្វីលីពីន ចាប់តាំងពីឆ្នាំ១៩៩២មក៕
តារាក្នុងកម្មវិធីBRIT Awards 2012 ២៦ នាទីមុន
កម្មវិធីប្រគល់ពានរង្វាន់ Brit Awards ឆ្នាំ ២០១២ បានប្រារព្ធឡើងនៅថ្ងៃទី ២១ ខែ កុម្ភៈ ឆ្នាំ ២០១២ នៅ The O2 Arena ទីក្រុងឡុងដុង។ កម្មវិធីប្រគល់ពានរង្វាន់ប្រចាំឆ្នាំលើកទី ៣២ នេះជាកម្មវិធីដែលផ្ដល់ពានកិត្តិយសដល់តារាចម្រៀងដែលលេចធ្លោក្នុងវិស័យតន្ត្រី។
ខាងក្រោមនេះជាម៉ូដរ៉ូបដែលតារាស្លៀកចូលរួមក្នុងកម្មវិធី Brit Awards! ប៉ុន្តែពេលទស្សនាហើយ កុំភ្លេចប្រៀបធៀបផងណា៎ ថាតើសិល្បករខ្មែរយើងដែលស្លៀករ៉ូប ចូលរួមក្នុងកម្មវិធីប្រគល់ពានរង្វាន់ “អាណាចក្រតារា” និង តារាបរទេសប៉ុន្មានដួងនេះ មួយណាអេមជាង?
Rihanna
Jessie J
Florence Welch
Lana Del Rey
Nicole Scherzinger
Adele
Kylie Minogue
Victoria Justice
Alexandra Burke
Pixie Lott
រូបភាព៖ stylebistro
NECបង្ហាញទូរស័ព្ទAndroidអេក្រង់ភ្លោះ ២៩ នាទីមុន
នៅក្នុងព្រឹត្តិការណ៍សមាជទូរស័ព្ទពិភពលោកខាងមុខនេះ ក្រុមហ៊ុនជប៉ុន NEC នឹងបង្ហាញគ្រួសារទូរស័ព្ទMEDIAS ចំនួនបីស៊េរី ដោយក្នុងនោះក៏មានទូរស័ព្ទប្រើ Android អេក្រង់ភ្លោះដូចកូនសៀវភៅមួយផងដែរ។ នេះដោយយោងតាមគេហទំព័រ Pocketnow ដែលបានចុះផ្សាយកាលពីថ្ងៃម្សិលមិញនេះ។
ទូរស័ព្ទនៅក្នុងគ្រួសារ MEDIAS នេះមានបីស៊េរីគឺ N-05D ដែលមានកាមេរ៉ាមុខតូចមួយ ប៉ុន្តែមិនទាន់មានព័ត៌មានលម្អិតច្រើន។ ទូរស័ព្ទមួយទៀត មិនទាន់ដឹងឈ្មោះមានអេក្រង់ទំហំ ៤,៧ អ៊ីញ ហើយក៏មិនទាន់មានព័ត៌មានលម្អិតផ្សេងទៀត។ ទូរស័ព្ទចុងក្រោយ ដែលមានការរចនាអេក្រង់ភ្លោះដ៏កម្រនោះ ក៏នឹងបង្ហាញខ្លួនដែរ។ បើតាមការឲ្យដឹងរបស់ Pocketnow បានឲ្យដឹងថា ទូរស័ព្ទនេះអាចបត់បាន ៣៦០ ដឺក្រេ ហើយមានលក្ខណៈស្រដៀង Tablet P របស់ Sony។ ទូរស័ព្ទទាំងបីនេះនឹងដំណើរការដោយប្រព័ន្ធប្រតិបត្តិការ Android 4.0 Ice Cream Sandwich ទាំងអស់។
ជុំវិញការបង្ហាញទូរស័ព្ទស៊េរីថ្មីនេះ GSMArena បានឲ្យដឹងថា ក្រុមហ៊ុន NEC ធ្លាប់តែផលិតទូរស័ព្ទលក់តែក្នុងប្រទេសជប៉ុនប៉ុណ្ណោះ ប៉ុន្តែតាមរយៈការបង្ហាញទូរស័ព្ទនៅ MWC អាចជាសញ្ញាបង្ហាញថា ផលិតផលរបស់ NEC នឹងឈានចូលក្នុងទីផ្សារទូរស័ព្ទពិភពលោកដែរហើយ។
តើប្រិយមិត្តយល់ថា ទូរស័ព្ទអេក្រង់ភ្លោះងាយស្រួលប្រើ ឬមានភាពរញ៉េរញ៉ៃ?
ប្រែសម្រួល៖ ខឹម បូរិន
បឹងកេត ជួបមិត្តភាពជាមួយខ្លាំង ៣៦ នាទីមុន
ក្រុមចំណូលថ្មីនៃក្របខ័ណ្ឌមិត្តហ្វូនខេមបូឌានលីត ២០១២ បឹងកេត នឹងជួបប្រកួតមិត្តភាពជាមួយក្រុមក្រុមយក្សក្នុងស្រុក ព្រះខ័នរាជ និង ក្រុម កំពូលភ្នំពេញក្រោន។
ក្រុមបឹងកេត នឹងជួបជើងឯកពានរង្វាន់សម្ដេច ហ៊ុន សែន ពីរសម័យកាល ព្រះខ័នរាជ រសៀលនេះវេលាម៉ោង ២ ហើយ នឹងបន្តជួបក្រុមកំពូល ភ្នំពេញក្រោន នៅរសៀលថ្ងៃសៅរ៍ វេលាម៉ោង២ រសៀល។ ការប្រកួតទាំងពីរធ្វើឡើងនៅទីលាន បឹងកេត នៃទឹកដីខេត្តកំពង់ចាម ដែលជាមូលដ្ឋានរបស់ ក្រុមបឹងកេត។
លោក បែ មករា បានឲ្យដឹងពីកំពង់ចាម ថា ការប្រកួតមិត្តភាពរបស់ បឹងកេត នេះគឺដើម្បីធ្វើតេស្ដ សមត្ថភាពកីឡាករបរទេស បីនាក់ បន្ថែមលើការហ្វឹកហាត់ជាមួយក្រុមកន្លងមក។ តែមិនទាន់ត្រូវបានបង្ហើបឈ្មោះឲ្យដឹងនៅឡើយទេ។ មានន័យថា ប្រសិនបើពួកគេទាំងបីបង្ហាញខ្លួនល្អក្នុងការប្រកួតមិត្តភាពនេះ នោះក្លិបនឹងពិចារណាទិញពួកគេក្នុងតម្លៃសមស្របណាមួយ។ ប៉ុន្តែ បើមើលទៅទម្រង់លេងមិនល្អទេ ក្លិបនឹងមិននាំចូលឡើយ។
លើសពីនេះទៅទៀត ក្រុមបឹងកេត ចង់លើកកម្ពស់វិស័យកីឡាបាល់ទាត់នៅខេត្តកំពង់ចាមផ្ទាល់តែម្ដង ហើយ ប្រជាជនទាំងនោះចង់ឃើញក្លិបធំៗរបស់កម្ពុជា។ ដូច្នេះនេះជាឱកាសដែលផ្ដល់ឲ្យ ប្រជាជនក្នុងតំបន់បានទស្សនានៅទីលានបឹងកេត និង បង្ហាញការគាំទ្រដល់ បឹងកេត។
ទន្ទឹមនឹងនេះដែរ លោក សំ វ៉ាន់ដេត គ្រូបង្វឹកព្រះខ័នរាជ បានឲ្យដឹងថា នេះជាការប្រកួតមិត្តដ៏សំខាន់ដើម្បីត្រៀមខ្លួន សម្រាប់ពានរង្វាន់មិត្តហ្វូនខេមបូឌានលីក ខាងមុខ។ ថ្វីបើកីឡាករ ៦នាក់របស់លោកជាប់បំពេញភារកិច្ច នៅ ប្រ៊ុយណេក្នុងក្រុម ជម្រើសជាតិ ក៏ដោយ តែកីឡាករដែលនៅសល់ក៏មិនអន់ដែរសម្រាប់ជំនួបមិត្តភាពរសៀលនេះ។ គម្រោងយកកីឡាករបរទេសបីនាក់ របស់ព្រះខ័នរាជ នៅមិនទាន់បានសម្រេចនៅឡើយដោយសារកៀកថ្ងៃបើករដូវកាល និង កំពុងរៀបចំឯកសារ។ បើអាក់ខាននាំចូលកីឡាករបរទេស ក្រុមយក្សក្នុងស្រុកនេះ អាចនឹងពន្យារពេលរហូតដល់ការប្រកួតចប់ជុំទី១។ ទោះបីជាបែបណា លោក វ៉ាន់ដេត នឹងនាំយកកីឡាករយុវជនខ្សែប្រយុទ្ធ ណុប តុលា និង ញឹក សួស មកលេងនៅក្របខ័ណ្ឌកំពូលដែលចាប់ផ្ដើមនាដើមខែ មីនា ខាងមុខ ជំនួស។
ក្រុម បឹងកេត គឺក្រុមដែលឡើងមកប្រកួតក្នុងក្របខ័ណ្ឌលីកបាល់ទាត់កំពូលកម្ពុជាឆ្នាំ ២០១២នេះ បន្ទាប់ពីជាប់ជម្រុះចំណាត់ថ្នាក់លេខ២ ហើយ វេស្ទើនជាប់ លេខ១ ក្នុងក្របខ័ណ្ឌក១ ឆ្នាំ២០១១ ស្របពេលដែល ក្រុម ព្រែកប្រាកីឡា និង ឫទ្ធីសែន ត្រូវកាត់ចោលនៅរដូវកាលចាស់៕
អត្ថបទ៖ ឆន ទិត្យ
រូបថត៖ ម៉ៃ វីរៈ
ចង់ជិះកង់ជុំវិញពិភពលោក ដល់ចិនចោរលួចបាត់! ៣៦ នាទីមុន
បុរសជនជាតិជប៉ុនម្នាក់ ដែលសុបិនចង់ជិះកង់ជុំវិញពិភពលោក បានក្លាយជាចំណាប់អារម្មណ៍របស់សាធារណជន នៅពេលកង់របស់លោកត្រូវចោរលួចបាត់នៅក្នុងទីក្រុង Wuhan ខេត្ត Hubei នៃប្រទេសចិន។ នេះបើយោងតាមសារព័ត៌មានចិន Chinasmack។
សារប្រកាសបាត់កង់របស់លោក Keiichiro សុំឲ្យគេជួយរក ត្រូវបានគេចែករំលែកតៗគ្នាជាង ៦០.០០០ ដងនៅលើបណ្តាញសង្គមចិន Sina Weibo។
លោក Keiichiro ធ្លាប់ធ្វើជាគិលានុបដ្ឋាកនៅក្នុងទីក្រុង Yokohama ប្រទេសជប៉ុន ហើយលោកបានសម្រេចចិត្តផ្លាស់ប្តូរជីវិត ដោយចង់ជិះកង់ ធ្វើដំណើរជុំវិញពិភពលោកវិញម្តង។ លោកមានផែនការធ្វើដំណើរឆ្លងកាត់ជាច្រើនប្រទេសដូចជានៅមជ្ឈឹមបូព៌ា អាហ្វ្រិក អឺរ៉ុប និងអាមេរិក មុនពេលត្រឡប់មកកាន់ជប៉ុនវិញ។
លោកបានធ្វើដំណើរ ទៅដល់ទីក្រុង Wuhan កាលពីថ្ងៃទី៣ កុម្ភៈកន្លងទៅ។ នៅពេលចូលដល់ទីក្រុងនេះ លោកបានទុកកង់ក្រៅតំបន់ដែលគេកំណត់ឲ្យចត និងទុកចោលលើសម៉ោងកំណត់ ពេលនោះកង់ក៏ត្រូវចោរលួចបាត់ បន្ទាប់ពីអ្នកទទួលផ្ញើកង់នៅកន្លែងចតបានចេញពីធ្វើការ។
កង់នោះមានតម្លៃប្រមាណជា ២.០០០ ដុល្លារ ហើយបើទោះបីជាសប្បុរសជននិយមប្រើប្រាស់អ៊ីនធឺណែតជួយទិញកង់ថ្មីឲ្យក៏ដោយ ក៏លោក Keiichiro ចង់បានកង់របស់លោកមកវិញដដែល។ សំណាងល្អ កាលពីយប់ថ្ងៃចន្ទ ប៉ូលិសបានរកឃើញកង់វិញ នៅតំបន់ប្រជុំជន Wuchang និងបានប្រគល់កង់នេះដល់ម្ចាស់ដើមវិញផងដែរ។ បុរសនេះគ្រោងនឹងបន្តដំណើររបស់ខ្លួនទៅមុខបំពេញក្តីសុបិនរបស់ខ្លួនបន្តទៀត៕
ប្រែសម្រួល៖ សុផាត
ប្រភព និងរូបភាព៖ Chinasmack
BUNOS AIRES: យ៉ាងហោចណាស់មនុស្សមួយចំនួន ស្លាប់ និង៥៥០នាក់ផ្សេងទៀតរងរបួស បន្ទាប់ ពីរថភ្លើងដឹកអ្នកដំណើរជាច្រើនកុះករ បានបុកទៅនឹងឧបករណ៍ការពារការប៉ះទង្គិច នៅស្ថានីយ៍រថភ្លើង កាលពីថ្ងៃពុធ ទី២២ ខែកុម្ភៈ ឆ្នាំ២០១២កន្លងទៅនេះ នៅរដ្ឋធានី Buenos Aires។ នេះបើយោងតាម សេចក្តីរាយការណ៍ពីមន្ត្រីក្នុងតំបន់។
យោងតាមទីភ្នាក់ងារសារព័ត៌មាន Channel News Asia ចុះថ្ងៃទី២៣ ខែកុម្ភៈ ឆ្នាំ២០១២នេះ បានឲ្យ ដឹង ដោយលើកឡើងនូវសំដីរបស់លោក Daniel Russo មកពីភ្នាក់ងារការពារជនស៊ីវិល បានថ្លែងក្នុង សន្និសីទសារព័ត៌មានថា មានមនុស្សមួយចំនួនរងគ្រោះដល់ជីវិត និងជាច្រើននាក់ត្រូវរងរបួស ដោយ ក្នុងនោះ មានជនរងគ្រោះមួយចំនួនទៀតត្រូវបាក់ឆ្អឹង និងរងរបួសធ្ងន់ធ្ងរ ខណៈដែលអ្នកដំណើរមួយ ចំនួនទៀតនៅជាប់ក្នុងគំនរបាក់បែកនៅឡើយ។
លោក Daniel Rosso បានបន្តថា មានអ្នកស្លាប់ក្នុងហេតុការណ៍នេះ ប៉ុន្តែគេពុំទាន់អាចរាយការណ៍ពី ចំនួន នៃអ្នកស្លាប់បានពិតប្រាកដនៅឡើយទេ។ លោក Alberto Crescenti ប្រធាន នៃក្រុមអ្នកជួយ សង្រ្គោះបន្ទាន់ បានលើកឡើងថា មានមនុស្សរហូតដល់ ៥៥០នាក់រងរបួស ដោយឡែកមនុស្ស ប្រមាណជា៣០នាក់ផ្សេងទៀតដែលកំពុងស្ថិតនៅក្រោមគំនរបាក់បែករថភ្លើងនៅឡើយ។
គួរបញ្ជាក់ថា គ្រោះហេតុការណ៍នេះ បានកើតឡើងក្នុងរយៈពេល៥ខែ ក្រោយពីមានហេតុការណ៍ នៃ គ្រោះថា្នក់ចរាចរណ៍មួយនៅក្នុងរដ្ឋធានីអាហ្សង់ទីន ដែលបង្កឡើងដោយរថភ្លើងជាមួយរថយន្ត បណ្តាល ឲ្យមានមនុស្សស្លាប់១១នាក់ និងអ្នករងរបួសចំនួន២០០នាក់៕
មនុស្សមួយចំនួន ស្លាប់ និង៥៥០នាក់ ផ្សេងទៀត រងរបួស ក្នុងហេតុការណ៍ ក្រឡាប់រថភ្លើងនៅ អាហ្សង់ទីន ៤៤ នាទីមុន
BUNOS AIRES: យ៉ាងហោចណាស់មនុស្ស មួយចំនួនស្លាប់ និង៥៥០នាក់ផ្សេងទៀតរងរបួស បន្ទាប់ ពីរថភ្លើងដឹកអ្នកដំណើរជាច្រើនកុះករ បានបុកទៅនឹងឧបករណ៍ការពារការប៉ះទង្គិច នៅស្ថានីយ៍រថភ្លើង កាលពីថ្ងៃពុធ ទី២២ ខែកុម្ភៈ ឆ្នាំ២០១២កន្លងទៅនេះ នៅរដ្ឋធានី Buenos Aires។ នេះបើយោងតាម សេចក្តីរាយការណ៍ពីមន្ត្រីក្នុងតំបន់។
យោងតាមទីភ្នាក់ងារសារព័ត៌មាន Channel News Asia ចុះថ្ងៃទី២៣ ខែកុម្ភៈ ឆ្នាំ២០១២នេះ បានឲ្យ ដឹង ដោយលើកឡើងនូវសំដីរបស់លោក Daniel Russo មកពីភ្នាក់ងារការពារជនស៊ីវិល បានថ្លែងក្នុង សន្និសីទសារព័ត៌មានថា មានមនុស្សមួយចំនួនរងគ្រោះដល់ជីវិត និងជាច្រើននាក់ត្រូវរងរបួស ដោយ ក្នុងនោះ មានជនរងគ្រោះមួយចំនួនទៀតត្រូវបាក់ឆ្អឹង និងរងរបួសធ្ងន់ធ្ងរ ខណៈដែលអ្នកដំណើរមួយ ចំនួនទៀតនៅជាប់ក្នុងគំនរបាក់បែកនៅឡើយ។
លោក Daniel Rosso បានបន្តថា មានអ្នកស្លាប់ក្នុងហេតុការណ៍នេះ ប៉ុន្តែគេពុំទាន់អាចរាយការណ៍ពី ចំនួន នៃអ្នកស្លាប់បានពិតប្រាកដនៅឡើយទេ។ លោក Alberto Crescenti ប្រធាន នៃក្រុមអ្នកជួយ សង្រ្គោះបន្ទាន់ បានលើកឡើងថា មានមនុស្សរហូតដល់ ៥៥០នាក់រងរបួស ដោយឡែកមនុស្ស ប្រមាណជា៣០នាក់ផ្សេងទៀតដែលកំពុងស្ថិតនៅក្រោមគំនរបាក់បែករថភ្លើងនៅឡើយ។
គួរបញ្ជាក់ថា គ្រោះហេតុការណ៍នេះ បានកើតឡើងក្នុងរយៈពេល៥ខែ ក្រោយពីមានហេតុការណ៍ នៃ គ្រោះថា្នក់ចរាចរណ៍មួយនៅក្នុងរដ្ឋធានីអាហ្សង់ទីន ដែលបង្កឡើងដោយរថភ្លើងជាមួយរថយន្ត បណ្តាល ឲ្យមានមនុស្សស្លាប់១១នាក់ និងអ្នករងរបួសចំនួន២០០នាក់៕
ក្លឹបកីឡាវាយកូនឃ្លី លើតុទួលស្វាយព្រៃថ្មី បង្កើតព្រឹត្តិការណ៍ ដណ្ដើមពានរង្វាន់ក្លឹប ជាលើកដំបូង ៥៧ នាទីមុន
ភ្នំពេញៈ ក្លឹបកីឡាវាយកូនឃ្លីលើតុទួលស្វាយព្រៃថ្មី សហការជាមួយសហព័ន្ធកីឡាវាយកូនឃ្លី លើតុកម្ពុជា បានរៀបចំ ការប្រកួតវាយកូនឃ្លីលើតុ (ប៉េងប៉ុង) ដើម្បីដណ្តើមពានរង្វាន់ក្លឹបទួលស្វាយព្រៃថ្មីលើកទី១ ប្រចាំឆ្នាំ២០១២នេះ ដែល នឹងប្រព្រឹត្តិទៅចាប់ពីថ្ងៃទី៣០ ខែមីនា ដល់ថ្ងៃទី០១ ខែមេសា ឆ្នាំ២០១២។
លោក ស្រេង វ៉ាន់ថាន ប្រធានក្លឹបវាយកូនឃ្លីលើតុបានថ្លែងក្នុងសន្និសីទកាសែតនាល្ងាចថ្ងៃទី២២ ខែកុម្ភៈថា “នេះជាលើកដំបូងហើយ ដែលលោកបានបង្កើតព្រឹត្តិការណ៍នេះឡើង ក្នុងឋានៈជាក្លឹប ដែលជាសមាជិកពេញសិទ្ធិរបស់សហ ព័ន្ធជាយូរមកហើយនោះ ការសម្រេចចិត្តរៀបចំការប្រកួតនេះឡើង ដើម្បីបំផុសឱ្យយុវជន ខ្មែរយើងស្រលាញ់ផ្នែកកីឡា វាយកូន ឃ្លីលើតុ ដែលហៅថា (ប៉េងប៉ុង)នេះ ដោយយើងធ្វើការបំផុសឱ្យចេញពីក្មេងៗ និងដើម្បីឱ្យគេស្គាល់កីឡាមួយនេះកាន់តែទូលំទូលាយឡើង”។
លោកបានបន្ថែមថា “ទាំងកីឡាករអាជីព ទាំងកីឡាករមិនអាជីព ទាំងកីឡាករជម្រើសជាតិ គឺអាចចូលរួមប្រកួតបានទាំងអស់។ វិញ្ញាសាចំនួន ២ ដែលដាក់ឱ្យប្រកួតនោះ មានប្រកួតជាឯកត្តជន និងប្រកួតជាក្រុម។ សម្រាប់វិញ្ញាសាប្រកួតជាក្រុមចំណាត់ថ្នាក់លេខ ១ ទទួលបានថវិកា ១លានរៀល លេខ ២ បាន ៦០ ម៉ឺនរៀល និង ចំណាត់ថ្នាក់លេខ ៣ បាន ៤០ ម៉ឺនរៀល។ វិញ្ញាសាឯកត្តជនចំណាត់ថ្នាក់លេខ១ ទទួលបានពាន១ ថវិកា ៦០ ម៉ឺនរៀល លេខ២ បាន ៤០ម៉ឺនរៀល និងលេខ៣ បាន២០ម៉ឺនរៀល។
ទាំងវិញ្ញាសាជាក្រុមទាំងវិញ្ញាសាឯកត្តជនចំណាត់ថ្នាក់លេខ១ មានរង្វាន់បន្ថែម គឺលេងក្នុងក្លឹបរយៈពេល៣ខែមិនគិត លុយ លេខ ២ លេង ២ខែ និង លេខ ៣ លេង១ខែដោយមិនគិតលុយ។ លោកស្រេង វ៉ាន់ថាន ក៏ឲ្យដឹងបន្ថែមទៀតថា ចាប់ពីពេលនេះទៅលោកធ្វើការប្រកួតដណ្ដើមពានរង្វាន់រយៈពេល ៤ ខែម្តង គឺមួយឆ្នាំប្រកួត ៤ដងហើយរង្វាន់ចុងឆ្នាំ មានទំហំធំ។
សូមបញ្ជាក់ថា នៅថ្ងៃទី ២៥ មីនា នឹងធ្វើការចាប់ឆ្នោតរើសពូល ឬ គូប្រកួតដែលនឹងប្រព្រឹត្តិឡើងនៅក្លឹបវាយកូនឃ្លីលើ តុទួលស្វាយព្រៃតែម្តង។
ចំណែកលោក ស៊ុន សុទ្ធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជា ក៏បានឱ្យដឹងដែរថា “សហព័ន្ធលើក ទឹកចិត្តឱ្យបណ្ដាក្លឹបនានា រៀបចំនូវព្រឹត្តិការណ៍ប្រកួតបែបនេះ ដើម្បីឱ្យកីឡាក្នុងក្របខ័ណ្ឌសិស្ស-និស្សិតដែលសំបូរ អ្នកលេងល្អៗនោះ មានឱកាសចូលរួមប្រកួតបានច្រើន៕
LG Optimus Vuក៏សរសេរបានដូចNoteដែរ? ១ ម៉ោងមុន
មកដល់ពេលនេះ ឃើញថាមានតែ Samsung Galaxy Note ទេដែលហាក់ដូចជាមានចំណុចពិសេសខាងសមត្ថភាពសរសេរលើអេក្រង់បានយ៉ាងពិសេស។ ចុះ LG Optimus Vu? ទូរស័ព្ទនេះមានអេក្រង់រហូតដល់ ៥ អ៊ីញ ដូច្នេះប្រហែលជាមានអ្វីពិសេសមិនចាញ់ Galaxy Note នោះទេ។
នៅក្នុងវីដេអូឃ្លីបដែលនឹងបង្ហាញខាងក្រោមបង្ហាញថា LG Optimus Vu អាចសរសេរនៅលើអេក្រង់បាន ពោលគឺអាចយកម្រាមដៃទៅសរសេរលើអេក្រង់របស់ទូរស័ព្ទនេះបាន។ គួរបញ្ជាក់ផងដែរថា LG Optimus Vu មានអេក្រង់ទំហំ IPS ទំហំ ៥ អ៊ីញ ដោយមាន XGA Resolution 768 x 1024 pixels, RAM 1GB អង្គចងចាំខាងក្នុង 32GB, មាន CPU Qualcomm Snapdragon ល្បឿន 1.5 GHz, មានកាមេរ៉ាក្រោយទំហំ 8MP និងកាមេរ៉ាមុខ 1.3 MP។ ទូរស័ព្ទ LG Optimus Vu ប្រើថ្ម 2 080 mAh និងដំណើរការដោយប្រព័ន្ធប្រតិបត្តិការ Android 2.3 Gingerbread ដោយរំពឹងថា Ice Cream Sandwich នឹងចេញមកតាមក្រោយ។
LG Optimus Vu ត្រូវបានប្រកាសជាផ្លូវការកាលពីថ្ងៃទី ១៩ ខែកុម្ភៈកន្លងទៅនេះ និងត្រូវបានគេជឿថានឹងធ្វើឲ្យព្រឹត្តិការណ៍សមាជទូរស័ព្ទពិភពលោកនាពេលដ៏ខ្លីខាងមុខរំជើបរំជួល។
ចង់ដឹងថា LG Optimus Vu អាចសរសេរបានឬក៏សូមចុចមើលវីដេអូឃ្លីបខាងក្រោមនេះ
ប្រែសម្រួល៖ ខឹម បូរិន
សមត្ថកិច្ច ពង្រឹងសន្ដិសុខ និងសណ្ដាប់ធ្នាប់ បន្ទាប់ពីចរន្តអគ្គីសនី បានកាត់ផ្ដាច់ នៅក្រុងសៀមរាប ល្ងាចម្សិលមិញ
សៀមរាប : រហូតដល់វេលាម៉ោង៨ និង១៥នាទី យប់ថ្ងៃទី២២ កុម្ភ: ឆ្នាំ២០១២ នេះ ទីតាំងសំខាន់ៗមួយចំនួននៅក្រុងសៀមរាប មិនទាន់មានចរន្ដអគ្គីសនីប្រើប្រាស់វិញនៅឡើយទេ តាមព័ត៌មានមួយចំនួនបានឲ្យដឹងថា ការដាច់ចរន្ដអគ្គីសនីនៅក្រុងសៀមរាប តាំងពីចន្លោះ ម៉ោងប្រមាណ ៤រសៀលរហូតដល់ពេលនេះ គឺដោយសារមានការជួសជុល បណ្ដាញចរន្ដអគ្គីសនី ដែលមានប្រភពពីប្រទេសថៃនោះមិនទាន់រួចរាល់ ហើយតំបន់សំខាន់ៗ និងតាមដងវិថីមួយចំនួនមានភាពងងឹត ហើយមានការកក ស្ទះចរាចរជាអន្លើរៗផងដែរ។
ដោយមូលហេតុដាច់ចរន្ដអគ្គីសនីនេះ កងកម្លាំងសមត្ថកិច្ច នគរបាល កងរាជអាវុធហត្ថ សន្ដិសុខឯកជន បានដាក់ពង្រាយ ដើម្បីពង្រឹងសន្ដិសុខ សណ្ដាប់ធ្នាប់ តាមទីតាំងសំខាន់ៗ ជាច្រើន និងសម្រួលចរាចរ តាមផ្លូវសាធារណ: ព្រមទាំងទីតាំងផ្លូវបំបែក ដែលភ្លើងសញ្ញាចរាចរបានដាច់។ ទោះបីមានការស្ទះចរាចរបន្តិចបន្ទួច និងជាអន្លើរៗក្ដី ក៏កម្លាំងនគរបាល មន្រ្តីកងរាជអាវុធហត្ថ បាននិងបន្ដសហការសម្រួលបានផងដែរ ដូចជានៅភ្លើងស្តុប ឡាប៉េ (ផ្សារកណ្ដាល) និងតាមដងផ្លូវមួយចំនួនទៀត។
ចំណែកនៅតាមទីតាំងមួយចំនួនទៀត ដូចជាផ្លូវហុកសិប ក្រវាត់ក្រុង រង្វង់មូល តាមទីផ្សារ ភោជនីដ្ឋាន សណ្ឋាគារ ព្រះរាជដំណាក់។ល។និង។ល។ មានការការពារ និងរក្សាសន្ដិសុខយ៉ាងខ្ជាប់ខ្ជួន និងមានការទទួលខុសត្រូវខ្ពស់ ក្រោមបទបញ្ជាផ្ទាល់របស់ថ្នាក់ដឹកនាំ អាជ្ញាធរ ស្នងការដ្ឋាននគរបាលខេត្ត មេបញ្ជាការកងរាជអាវុធហត្ថចេត្ត អធិការ និងអធិការរងក្រុង/ខេត្តសៀមរាប ធ្វើឲ្យមហាជន ភ្ញៀវទេសចរណ៍ជាតិ អន្ដរជាតិមានការកោតសរសើរ និងពេញចិត្ត។
ចរន្តអគ្គីសនីបានមានឡើងវិញនៅវេលាម៉ោង៨ និង២៥នាទីយប់នេះ តែបានដាច់បន្តិច រួចមានឡើងវិញបន្ទាប់មក ហើយមហាជននៅក្រុងសៀមរាប ពិសេសទីតាំងដែលមានការដាច់ចរន្តអគ្គីសនីប្រើប្រាស់ សង្ឃឹមថានិងមិនមានការដាច់ចរន្តអគ្គីសនីទៀតទេយប់នេះ។
ក្រសួងព័ត៌មានហាមមិនឲ្យផ្សាយរូបហិង្សា! ល្ងាចម្សិលមិញ
ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានជូនដំណឹងដល់ម្ចាស់ព័ត៌មាន ទាំងអស់ឲ្យបញ្ឈប់បោះពុម្ព និងផ្សព្វផ្សាយ រាល់រូបភាពហិង្សា រូបគ្រោះថ្នាក់ចរាចររន្ធត់ៗដោយមិនបានបិទបាំងអត្តសញ្ញាណអ្នកទាំងនោះឡើយ ព្រោះថាជាការអនុវត្តប្រាសចាកក្រមសីលធម៌អ្នកសារព័ត៌មាន និង ប៉ះពាល់ដល់សិទ្ធិរស់នៅជាឯកជនរបស់បុគ្គល។ នេះបើយោងតាមការចេញផ្សាយ ពីវិទ្យុបារាំង RFI។
ឯកឧត្ដមរដ្ឋមន្ត្រីក្រសួងព័ត៌មាន ជូនដំណឹងបែបនេះដល់គ្រប់ម្ចាស់គេហទំព័រ កាសែត ទស្សនាវដ្ដី និងព្រឹត្តិបត្រព័ត៌មាន ហើយបម្រាមនេះកើតឡើង ក្រោយពីឯកឧត្ដមសង្កេតឃើញថា ករណីនៃការចេញផ្សាយរូបភាពផ្ទុយពីក្រមសីលធម៌សារព័ត៌មានទាំងនេះ កំពុងផ្ទុះឡើង នៅតាមប្រព័ន្ធផ្សព្វផ្សាយមួយចំនួន។
ប្រភពដដែលបានឲ្យដឹងទៀតថា ក្នុងសារជូនដំណឹងនេះ ឯកឧត្ដមបានផ្ដោតជាសំខាន់ ចំពោះរូបភាពមិនគួរចេញផ្សាយនៅលើប្រព័ន្ធផ្សព្វផ្សាយព័ត៌មានថា ការផ្សព្វផ្សាយរូបភាពហិង្សាលើស្ត្រីនិងកុមារ រូបភាពគ្រោះថ្នាក់ចរាចរណ៍គួរឲ្យខ្លាច និងរូបភាពឧក្រិដ្ឋកម្មជាដើម។ ឯកឧត្ដម ក៏បានសង្កេតឃើញផងដែរថា សារព័ត៌មានខ្លះបានចុះផ្សាយរូបភាពជនរងគ្រោះដោយមិនបានបិទបាំង អត្តសញ្ញាណទៀតផង ប្រការនេះបានធ្វើឲ្យប៉ះពាល់ដល់កិត្តិយស និងសិទ្ធិរស់នៅជាលក្ខណៈឯកជនរបស់បុគ្គល៕
ដោយ៖ យ៉ន សុភារិទ្ធ
ស៊ីម៉ាក់ត្រូវការថវិកាប្រមាណ100លានដុល្លារសម្រាប់គាំទ្រការបោសសម្អាតមីន5ឆ្នាំខាងមុខ ល្ងាចម្សិលមិញ
ខេត្តសៀមរាប ៖ មន្ដ្រីជាន់ខ្ពស់មជ្ឈមណ្ឌលសកម្មភាពកម្ចាត់់មីនកម្ពុជា(ស៊ីម៉ាក់) បានប្រកាសថា ស៊ីម៉ាក់ត្រូវការថវិកាប្រមាណជាង១០០លានដុល្លារ សម្រាប់គាំទ្រប្រតិបត្ដិការរយៈពេល៥ឆ្នាំរបស់ខ្លួន ដើម្បីធ្វើការបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះដែលបន្សល់ទុកពីភ្លើងសង្គ្រាមរាប់ទ សវត្សរ៍មកនេះ ។
បាល់ទាត់កម្តៅសាច់ដុំ: ភ្នំពេញក្រោន ឈ្នះ សាកលវិទ្យាល័យ វេស្ទើន ២-១ ល្ងាចម្សិលមិញ
ភ្នំពេញៈ ការប្រកួតបាល់ទាត់ជាលក្ខណៈមិត្តភាព កម្តៅសាច់ដុំ មុនព្រឹត្តិការណ៍លីកអាជីព មិត្តហ្វូនខេមបូឌាន លីក ឆ្នាំ២០១២ (Metfone Cambodian League 2012) ក្រុមភ្នំពេញក្រោនបានឈ្នះក្រុមវេស្ទើន ដោយ លទ្ធផល២ទល់នឹង១ ធ្វើឡើងនៅទីលាន RSN Stadium របស់ភ្នំពេញក្រោន។
ការប្រកួតនេះដែរបានប្រព្រឹត្តិទៅនៅព្រឹកថ្ងៃពុធ ទី២២ ខែកុម្ភៈ ក្រោមអាកាសធាតុអំណោយផលមេឃស្រទុំ ដោយក្រុមទាំងពីរនេះ ស៊ុតបញ្ចូលទីគ្នាត្រឹមតែតង់ទីមួយប៉ុណ្ណោះ គឺក្រុមភ្នំពេញក្រោនបានធ្វើការនាំមុខមុន ២គ្រាប់ បន្ទាប់ពីក្រុមវេស្ទើនរកបាន១គ្រាប់វិញនៅចុងម៉ោងនោះ។
លោក នាង សាបាន គ្រូបង្វឹកក្រុមវេស្ទើនបានឱ្យដឹងថា “កូនក្រុមរបស់លោកកំពុងប្រឈមនឹងបញ្ហាស្មារតី ណា មួយសុទ្ធតែជាកីឡាករថ្មី ដែលមិនទាន់ឆ្លងកាត់ការប្រកួតក្របខ័ណ្ឌកំពូលជោកជាំនៅឡើយ ទាំងបច្ចេកទេស និងស្មារតីរបស់ពួកគេនៅខ្វះចន្លោះ”។
លោកគ្រូបង្វឹកដែលជាអតីតកីឡាករជម្រើសជាតិពីឆ្នាំ ១៩៧២ ដល់ ១៩៩០ បានបន្តថា “បច្ចេកទេស នៃការ លេងត្រូវបំពេញបន្ថែមតិចតួច តែស្មារតីគឺត្រូវការពង្រឹងបន្ថែមច្រើនឱ្យខាងតែបាន បើនិយាយពីការលេង ក្រុម យើងមិនស៊ីសងនឹងក្រុមចាស់ៗ ដូចជាក្រោន ប៉ុន្មាននោះទេ។ ពួកយើង ម្នាក់ៗសុទ្ធតែថ្មី។ លេងនៅភ័យច្រើន រហូតជះឥទ្ធិពលដល់បច្ចេកទេស”។
ដោយឡែកលោក ហៅ សុជាតិ ជំនួយការលោក David Booth ដែលដឹកនាំក្រុមឲ្យជោគជ័យ ២-១ ព្រឹកមិញនេះ បានឱ្យដឹងដែរថា “តាមមើលឃើញរបស់លោកវេស្ទើន មានបច្ចេកទេសលើទីលានអាចប្រកួតប្រជែងជាមួយ ក្រុមលោក និងក្រុមផ្សេងៗទៀតបាន។ បច្ចេកទេសគេល្អ តែពួកគេលេងនៅភ័យច្រើន។ ដូច្នេះភ្នំពេញមិនអាច មើលស្រាលគេនោះទេ គឺមានតែប្រយ័ត្ននៅពេលបើករដូវកាល ២០១២”។
សូមបញ្ជាក់ផងដែរថា លីកអាជីពនឹងចាប់ផ្តើមឡើងនៅថ្ងៃសៅរ៍ ទី០៣ ខែមីនា ឆ្នាំ២០១២នេះ ដែលរៀងរាល់ នៃការប្រកួតធ្វើឡើងនៅពហុកីឡដ្ឋានជាតិអូឡាំពិក ហើយថ្ងៃទី២៤ ខែកុម្ភៈ ២០១២ ក្រុមវេស្ទើន នឹងប្រកួត កម្ដៅជើងជាលើកទី២ទៀត ជាមួយក្រុមក្រសួងការពារជាតិ នៅស្តាតចាស់ មុនពេលបន្តរាក់ទាក់ក្រុមលេខ៣ ថ្មោងថ្មី នៃពានសម្ដេច ហ៊ុន សែន ២០១២ អគ្គស្នងការនគរបាលជាតិ នៅថ្ងៃទី ២៦ កុម្ភៈ ២០១២ តែសម្រាប់ ទីលានប្រកួតនៅមិនទាន់ច្បាស់នៅឡើយនោះទេ៕
បាល់ទាត់ កម្តៅ សាច់ដុំ: ភ្នំពេញក្រោន ឈ្នះ សាកលវិទ្យាល័យ វេស្ទើន ២-១ ល្ងាចម្សិលមិញ
ភ្នំពេញៈ ការប្រកួតបាល់ទាត់ជាលក្ខណៈមិត្តភាព កម្តៅសាច់ដុំ មុនព្រឹត្តិការណ៍លីកអាជីព មិត្តហ្វូនខេមបូឌាន លីក ឆ្នាំ២០១២ (Metfone Cambodian League 2012) ក្រុមភ្នំពេញក្រោនបានឈ្នះក្រុមវេស្ទើន ដោយ លទ្ធផល២ទល់នឹង១ ធ្វើឡើងនៅទីលាន RSN Stadium របស់ភ្នំពេញក្រោន។
ការប្រកួតនេះដែរបានប្រព្រឹត្តិទៅនៅព្រឹកថ្ងៃពុធ ទី២២ ខែកុម្ភៈ ក្រោមអាកាសធាតុអំណោយផលមេឃស្រទុំ ដោយក្រុមទាំងពីរនេះ ស៊ុតបញ្ចូលទីគ្នាត្រឹមតែតង់ទីមួយប៉ុណ្ណោះ គឺក្រុមភ្នំពេញក្រោនបានធ្វើការនាំមុខមុន ២គ្រាប់ បន្ទាប់ពីក្រុមវេស្ទើនរកបាន១គ្រាប់វិញនៅចុងម៉ោងនោះ។
លោក នាង សាបាន គ្រូបង្វឹកក្រុមវេស្ទើនបានឱ្យដឹងថា “កូនក្រុមរបស់លោកកំពុងប្រឈមនឹងបញ្ហាស្មារតី ណា មួយសុទ្ធតែជាកីឡាករថ្មី ដែលមិនទាន់ឆ្លងកាត់ការប្រកួតក្របខ័ណ្ឌកំពូលជោកជាំនៅឡើយ ទាំងបច្ចេកទេស និងស្មារតីរបស់ពួកគេនៅខ្វះចន្លោះ”។
លោកគ្រូបង្វឹកដែលជាអតីតកីឡាករជម្រើសជាតិពីឆ្នាំ ១៩៧២ ដល់ ១៩៩០ បានបន្តថា “បច្ចេកទេស នៃការ លេងត្រូវបំពេញបន្ថែមតិចតួច តែស្មារតីគឺត្រូវការពង្រឹងបន្ថែមច្រើនឱ្យខាងតែបាន បើនិយាយពីការលេង ក្រុម យើងមិនស៊ីសងនឹងក្រុមចាស់ៗ ដូចជាក្រោន ប៉ុន្មាននោះទេ។ ពួកយើង ម្នាក់ៗសុទ្ធតែថ្មី។ លេងនៅភ័យច្រើន រហូតជះឥទ្ធិពលដល់បច្ចេកទេស”។
ដោយឡែកលោក ហៅ សុជាតិ ជំនួយការលោក David Booth ដែលដឹកនាំក្រុមឲ្យជោគជ័យ ២-១ ព្រឹកមិញនេះ បានឱ្យដឹងដែរថា “តាមមើលឃើញរបស់លោកវេស្ទើន មានបច្ចេកទេសលើទីលានអាចប្រកួតប្រជែងជាមួយ ក្រុមលោក និងក្រុមផ្សេងៗទៀតបាន។ បច្ចេកទេសគេល្អ តែពួកគេលេងនៅភ័យច្រើន។ ដូច្នេះភ្នំពេញមិនអាច មើលស្រាលគេនោះទេ គឺមានតែប្រយ័ត្ននៅពេលបើករដូវកាល ២០១២”។
សូមបញ្ជាក់ផងដែរថា លីកអាជីពនឹងចាប់ផ្តើមឡើងនៅថ្ងៃសៅរ៍ ទី០៣ ខែមីនា ឆ្នាំ២០១២នេះ ដែលរៀងរាល់ នៃការប្រកួតធ្វើឡើងនៅពហុកីឡដ្ឋានជាតិអូឡាំពិក ហើយថ្ងៃទី២៤ ខែកុម្ភៈ ២០១២ ក្រុមវេស្ទើន នឹងប្រកួត កម្ដៅជើងជាលើកទី២ទៀត ជាមួយក្រុមក្រសួងការពារជាតិ នៅស្តាតចាស់ មុនពេលបន្តរាក់ទាក់ក្រុមលេខ៣ ថ្មោងថ្មី នៃពានសម្ដេច ហ៊ុន សែន ២០១២ អគ្គស្នងការនគរបាលជាតិ នៅថ្ងៃទី ២៦ កុម្ភៈ ២០១២ តែសម្រាប់ ទីលានប្រកួតនៅមិនទាន់ច្បាស់នៅឡើយនោះទេ៕
តុប ច័ន្ទសេរីវុឌ្ឍ ឆ្លើយដាក់ នាយផ្នែក និងនាយសង្កាត់ រដ្ឋបាលព្រៃឈើ ស្រុកក្រគរ ល្ងាចម្សិលមិញ
-សាលដីកា សំណុំរឿង តុប ច័ន្ទសេរីវុឌ្ឍ នឹងប្រកាស នៅថ្ងៃទី១៤ ខែមីនា
ភ្នំពេញ ៖ អតីតព្រះរាជអាជ្ញាខេត្ដពោធិ៍សាត់ លោក តុប ច័ន្ទសេរីវុឌ្ឍ នៅក្នុងអង្គសវនាការ របស់សាលាឧទ្ធរណ៍ នារសៀល ថ្ងៃទី២២ ខែកុម្ភៈ ឆ្នាំ២០១២នេះ បានឆ្លើយបដិសេធ រាល់ការចោទប្រកាន់នានា ដែលធ្វើឡើងចំពោះរូបលោក ហើយអ្វី ដែល ធ្វើឱ្យមានការចាប់អារម្មណ៍ ពីមជ្ឈដ្ឋាននានា នោះ គឺលោកបានឆ្លើយដាក់បន្ទុក ទៅលើនាយផ្នែក និងនាយសង្កាត់រដ្ឋបាល ព្រៃឈើ ស្រុកក្រគរ ខេត្ដពោធិ៍សាត់ ដែលប្រព្រឹត្ដអំពើពុករលួួយ និងជំរិតទារប្រាក់ផ្សេងៗ។
ដោយឡែកសាលាឧទ្ធរណ៍ នឹងប្រកាសសាលដីកាសំណុំរឿង លោក តុប ច័ន្ទសេរីវុឌ្ឍ និងគូកន ៣នាក់ផ្សេងទៀត នៅថ្ងៃទី ១៤ ខែមីនា ឆ្នាំ២០១២ ។
នៅក្នុងអង្គសវនាការ សាលាឧទ្ធរណ៍ នារសៀលថ្ងៃទី២២ ខែកុម្ភៈនេះ លោក តុប ច័ន្ទសេរីវុឌ្ឍ ត្រូវបានអគ្គព្រះរាជអាជ្ញា និងអង្គសវនាការ បន្ដចោទប្រកាន់ ពីបទបង្ខាំងមនុស្សខុសច្បាប់ ការជំរិតទារប្រាក់ និងស៊ីសំណូក ដែលត្រូវបានរកឃើញ ពីសំណាក់អង្គភាពប្រឆាំងអំពើពុករលួយ ។ តែទោះជាយ៉ាងណា ជនជាប់ចោទរូបនេះ បានឆ្លើយជា ហូរហែ ទាត់ចោលនូវ ការចោទប្រកាន់ខាងលើនេះ ខណៈសាលដីកា ក្នុងសំណុំរឿងរបស់ខ្លួន នឹងត្រូវប្រកាស នាថ្ងៃទី១៤ ខែមីនា ខាងមុខ ។
លោក ធាង ស្រេង តំណាងរបស់លោក ឱម យ៉ីនទៀង បានប្រាប់ក្រុមអ្នកយកព័ត៌មាន ក្រោយអង្គសវនាការថា ការចោទ ប្រកាន់របស់សាលាឧទ្ធរណ៍ គឺស្របទៅនឹងគោលការណ៍ និងការរកឃើញរបស់អង្គភាព ប្រឆាំងអំពើពុករលួយ ដែលជន ជាប់ចោទរូបនេះ និងបក្ខពួក បានធ្វើកន្លងមក ។
សូមបញ្ជាក់ថា សាលាដំបូងខេត្ដពោធិ៍សាត់ បានកាត់ទោស អតីតព្រះរាជអាជ្ញា លោក តុប ច័ន្ទសេរីវុឌ្ឍ ឱ្យជាប់ពន្ធនាគារ រយៈពេល ១៩ឆ្នាំ រួមទាំងគូកន ៣នាក់ របស់ខ្លួន បន្ទាប់ពីជនជាប់ចោទរូបនេះ ត្រូវបានអង្គភាពប្រឆាំងអំពើពុករលួយ រក ឃើញពីបទល្មើស និងចាប់ខ្លួន កាលពីចុងឆ្នាំ២០១០ ។
ជាមួយគ្នានេះ ការបើកសវនាការ របស់សាលាឧទ្ធរណ៍ នារសៀល ថ្ងៃទី ២២ ខែកុម្ភៈ នេះ គឺជាការបើកសវនាការលើកទី១ ទៅលើជនជាប់ចោទ ដែលត្រូវបានចាប់ខ្លួន ពីសំណាក់អង្គភាព ប្រឆាំងអំពើពុករលួយ ។ គេសង្ឃឹមថា ក្រោយពីមាន ការឆ្លើយដាក់បន្ទុក ពីសំណាក់លោក តុប ច័ន្ទសេរីវុឌ្ឍ នោះ អាជ្ញាធរ និងសមត្ថកិច្ចពាក់ព័ន្ធ នឹងបន្ដធ្វើការស៊ើបអង្កេត ទៅលើនាយផ្នែក និងនាយសង្កាត់រដ្ឋបាលព្រៃឈើ ប្រចាំស្រុកក្រគរ ខេត្ដ ពោធិ៍សាត់ ៕
អភិបាលខណ្ឌមានជ័យ ចែកអំណោយ ដល់ពលរដ្ឋ រងគ្រោះ ដោយសាររលំផ្ទះ ចូល ក្នុងទន្លេ ល្ងាចម្សិលមិញ
ភ្នំពេញ ៖ លោកអភិបាលខណ្ឌមានជ័យ គួច ចំរើន នៅរសៀលថ្ងៃទី២២ ខែកុម្ភៈ ឆ្នាំ ២០១២ នេះ បានចុះចែកអំណោយ រួមមាន គ្រឿងឧបភោគ បរិភោគ សម្ភារៈប្រើប្រាស់ប្រមាណ ៣៥ មុខ និងថវិកាចំនួន ១០ម៉ឺនរៀល ក្នុងមួយគ្រួសារ ដល់ប្រជាពលរដ្ឋចំនួន ៣គ្រួសារ ដែលរង គ្រោះ ដោយសារផ្ទះរបស់ពួកគាត់ បានបាក់ រលំចូលក្នុងទឹកទន្លេ កាលពីពេលថ្មីៗនេះ ។
ប្រជាពលរដ្ឋ៣គ្រួសារ ក្នុងនោះ២គ្រួសារ រស់នៅភូមិដើមម៉ាក់ក្លឿ សង្កាត់ច្បារអំពៅទី១ និង១គ្រួសារទៀត រស់នៅភូមិព្រះពន្លា សង្កាត់ព្រែកប្រា ខណ្ឌ មានជ័យ បានទទួលអំណោយពីលោក គួច ចំរើន បន្ទាប់ពីផ្ទះឈើប្រកស័ង្កសីរបស់ពួក គាត់ បានបាក់រលំចូលក្នុងទឹកទន្លេកាលពីថ្ងៃទី ១៧ ខែកុម្ភៈ ឆ្នាំ២០១២ កន្លងទៅនេះ ។ គ្រួសារទាំង ៣ ដែលទទួលជំនួយឧបត្ថម្ភពី លោកអភិបាលខណ្ឌ និងអនុសាខាកាកបាទ ក្រហម កម្ពុជា ប្រចាំខណ្ឌមានជ័យ រួមមាន លោក ហាក់ ពៅ លោក រិទ្ធ បុណ្ណារ៉ា និង លោក ធី ហៀង ។
នៅក្នុងឱកាសនោះ លោក គួច ចំរើន បាន លើកឡើងថា អាជ្ញាធរមិនអនុញ្ញាតឱ្យមាន ការសង់លំនៅដ្ឋាន នៅជាប់មាត់ទន្លេឡើយ ដែលបង្កឱ្យមានគ្រោះថ្នាក់យ៉ាងដូច្នេះ ដូច្នេះ លោកសូមអំពាវនាវឱ្យប្រជាពលរដ្ឋ បញ្ឈប់ ការកសាងលំនៅដ្ឋាន នៅតាមបណ្ដោយមាត់ ទន្លេ ។
ជាមួយគ្នានេះ លោកអភិបាលខណ្ឌក៏បាន លើកឡើងថា សម្ដេចតេជោ ហ៊ុន សែន និង លោកជំទាវ តែងតែគិតគូរពីសុខទុក្ខរបស់ប្រជា ពលរដ្ឋ ក្នុងគ្រាណាក៏ដោយនោះ ៕
អភិបាល ខណ្ឌមានជ័យ ចែកអំណោយ ដល់ពលរដ្ឋ រងគ្រោះ ដោយសារ រលំផ្ទះ ចូល ក្នុងទន្លេ ល្ងាចម្សិលមិញ
ភ្នំពេញ ៖ លោកអភិបាលខណ្ឌមានជ័យ គួច ចំរើន នៅរសៀលថ្ងៃទី២២ ខែកុម្ភៈ ឆ្នាំ ២០១២ នេះ បានចុះចែកអំណោយ រួមមាន គ្រឿងឧបភោគ បរិភោគ សម្ភារៈប្រើប្រាស់ប្រមាណ ៣៥ មុខ និងថវិកាចំនួន ១០ម៉ឺនរៀល ក្នុងមួយគ្រួសារ ដល់ប្រជាពលរដ្ឋចំនួន ៣គ្រួសារ ដែលរង គ្រោះ ដោយសារផ្ទះរបស់ពួកគាត់ បានបាក់ រលំចូលក្នុងទឹកទន្លេ កាលពីពេលថ្មីៗនេះ ។
ប្រជាពលរដ្ឋ៣គ្រួសារ ក្នុងនោះ២គ្រួសារ រស់នៅភូមិដើមម៉ាក់ក្លឿ សង្កាត់ច្បារអំពៅទី១ និង១គ្រួសារទៀត រស់នៅភូមិព្រះពន្លា សង្កាត់ព្រែកប្រា ខណ្ឌ មានជ័យ បានទទួលអំណោយពីលោក គួច ចំរើន បន្ទាប់ពីផ្ទះឈើប្រកស័ង្កសីរបស់ពួក គាត់ បានបាក់រលំចូលក្នុងទឹកទន្លេកាលពីថ្ងៃទី ១៧ ខែកុម្ភៈ ឆ្នាំ២០១២ កន្លងទៅនេះ ។ គ្រួសារទាំង ៣ ដែលទទួលជំនួយឧបត្ថម្ភពី លោកអភិបាលខណ្ឌ និងអនុសាខាកាកបាទ ក្រហម កម្ពុជា ប្រចាំខណ្ឌមានជ័យ រួមមាន លោក ហាក់ ពៅ លោក រិទ្ធ បុណ្ណារ៉ា និង លោក ធី ហៀង ។
នៅក្នុងឱកាសនោះ លោក គួច ចំរើន បាន លើកឡើងថា អាជ្ញាធរមិនអនុញ្ញាតឱ្យមាន ការសង់លំនៅដ្ឋាន នៅជាប់មាត់ទន្លេឡើយ ដែលបង្កឱ្យមានគ្រោះថ្នាក់យ៉ាងដូច្នេះ ដូច្នេះ លោកសូមអំពាវនាវឱ្យប្រជាពលរដ្ឋ បញ្ឈប់ ការកសាងលំនៅដ្ឋាន នៅតាមបណ្ដោយមាត់ ទន្លេ ។
ជាមួយគ្នានេះ លោកអភិបាលខណ្ឌក៏បាន លើកឡើងថា សម្ដេចតេជោ ហ៊ុន សែន និង លោកជំទាវ តែងតែគិតគូរពីសុខទុក្ខរបស់ប្រជា ពលរដ្ឋ ក្នុងគ្រាណាក៏ដោយនោះ ៕
